Në seancën e sotme parlamentare, Ilir Meta u tërhoqi vëmendjen ministrave që të jenë të pranishëm në sallë kur diskutohen çështje të rëndësishme. Ai qortoi të parin ministrin e Transporteve, Sokol Dervishajn (i cili në fakt ishte në seancë) dhe i kërkoi atij të jepte shpjegime për kërkesat e socialistit Taulant Balla për problemet në rrugën Tiranë-Elbasan.
Pavarësisht se ai moment kaloi me sqarimet përkatëse të Dervishajt, tensioni politik ndihej në ajër gjatë punimeve të Kuvendit. Bojkoti i opozitës, përplasja PS-LSI dhe sfida për zgjedhjen e presidentit të ri vetëm pas 1 jave, ka bërë që edhe marrëdhënia Rama-Meta të reflektojë – të paktën në gjestikulacione – një situatë jonormale politike, pavarësisht se kryeministri tha sot se nuk ka asnjë krizë politike.
GSH.al